لما بزهق واتخنق
لما بزهق واتخنق
أشخبط عا الورق
ولما أعصابى بتتحرق
حبر قلمى بيندلق
واكتب وجوايه قلق
على بكره اللى اتشنق
واحس بخروجى م السبق
وحلم عمرى اللى اتسرق
واشعر كمان بالغرق
وجبينى يتصبب عرق
ويبقى اللى قال صدق
اللى سبق كال النبق
وباب الحق اتغلق
والظلم بقى يتعشق
والفساد عشش ولزق
والمحترم أصبح هفق
واللى زعلان يتفلق
وكل حاجه بتتسلق
قل أعوذ برب الفلق
من شر ما خلق
شكرا لك .. الى اللقاء
ليست هناك تعليقات: