كان بيقولي
ـــــــــــــــــ
مختار امين
كان بيقولي ..
بكره هاخدك وأطير
هروح بيكي جنة الأساطير
كان بيقولي ..
عنيكي ليه مش مفرقاني
وأنا صاحي وأنا نايم
دايما وخداني
كان بيقولي ..
مشتاق ألمسك
وأدوب بين ايديكي
وأسرح ساعات
وأتوه فوق ملامحك
واتمنى تئسي عشان
أسامحك ..
وتعرفي أني مستحيل
أفارقك ..
كان بيقولي كلام كتير
ولما يسرح في بكره
وألم حلمه من الأساطير
ألاقيه زي الحمام
من بين ايديا بيطير
شكرا لك .. الى اللقاء
ليست هناك تعليقات: