شارك معنا على مواقع التواصل

AddToAny

جديد الموقع

حصريا بالموقع

الثلاثاء، 10 يوليو 2018

طريقة تربية الفراخ البيضاء من اول يوم حتى التسمين /موقع القائد لتكنولوج...

صوفيا الصوفانى
صوفيا الصوفانى
سوبر فتكاتفتوكة مش موجودة النشاط و التميز تربية الحيوانات الأليفة يا سلام
تربية الفراخ البيضا كمشروع تجارى بالمنزل او كتغذية شرح من الالف للياء هنا عند صوفيا
تربية الحيوانات الاليفة ٩‏/٩‏/٢٠١٣ ٨،٣١ ص


بسم الله والصلاة والسلام على رسول الله
كيفكم ..
ان شالله تكونو جميعا بخير وبصحه وعافية

طبعا اغلب اللى دخلو موضوعى هذا

اى سؤال عن الطيور اللى بتتربى للأكل انا جاهزه وبالسعر ( بط .فراخ .رومى. وز .ارانب )
طلبو منى طريقة تربية الكتاكيت البيضا
حتى بموضوعى عن حكايتى بالجهاز

حكايتى للى مهمومة وشايلة هم الجهاز والفلوس
طلبو منى يعرفو عن مشروعى
عشان يساعدهم ماديا ومعنويا
واخيرررا جمعتلكم الموضوع وبالصور
وبكل مايشمل من معرفة امتلكها
ويارب يعجبكم ويكون وش الخير عليكم يارب

وطبعا كل اللى هقوله انا هيكون استنادا لخبره طويلة جداااا بمجال
تسمين الدواجن بنظام المزارع او البيت ( لانى جربت الاتنين
وبالنسبة للتسمين عندنا نوعين فى الاسواق ( احمر + ابيض )
واالاتنين زى بعض فى كل حاجه مع اختلاف لون الريش
+
مدة دورة تسمين كل منهم عن الاخر

الفراخ البيضا دورتها 45 يوم
الفراخ الحمرا 60 _ 75 يوم

العلف المستهلك لكل نوع ثابت 4 ك لكل طير فى دورتة



\


\

طريقة استقبال الكتكوت او الطير عمر يوم
والطريقة دى مستخدمة لكل انواع الطيور ( اللى عمرها يوم

( فراخ _ بط _ رومى _ سمان _حمام )


اولا هنعرض ازاى نجهز المكان من الالف للياء بانتظار استقبال الطير وتسمينه

\

اولاااااااااااااااااااااااا
المكان سواء ( عنبر او شقه او غرفه )

ال 100 متر مربع بيتربى فيهم ( 1000 ) فرخه
يعنى لكل متر عشر فرخات يتواجدو فيه من عمر يوم لعمر الدبيح

ووسائل التهوية فيه تكون جيده جدا جدااا
الطير يجوع يعطش هيعيش
لكن قلة التهوية وعدم تواجدها بالطريقة الصحيحة بتموت الطير
التهويه اهم عامل فى نمو الفراخ البيضا
وبسبب التهوية مزارع كتير بيتخرب بيتها
عشان كدة الاهالى الى بتربى عدد بسيط على سطح او بلكونة او كرتونة
والتهوية متاحة لهم بيكبر معاهم التككوت اسرع
مش بسبب الاكل لااا التهوية عامل اساسى فى تربية لافراخ البيضا
مبيحبوش الحار ولا يقدرو يعيشو فيه
وبردة ملهمش بالجو الباااارد
بس الجو المعتدل سبب نموهم الاسرع
التهوية تخلى فرخ عندك فى شهر ونصف يديكى 2 كيلو ونصف
وعند جارتك اللى كاتمة الفرختين فوق قلب بعض يديها 1 و200 جرام فقط
غير الوفيات مستمرة والامراض

ثانياااااااا
التطهير للارضيه
\

ننضف المكان ونكنسة اوى اوى ونزحف العنكبوت ياحلوين
بلاش يشبك بالشعرتين الى براسك
#
بالنسبة للى مكانهم اول مرة تربى فيه او خالى من الطيور
ونضيف من 6 شهور
نجيب كلور حامى مش مخفف كلور مركز ريحتة تخنق لو شمتيها
وتحطى 2 لتر كلور على 10 لتر مية ( معدل جردل بويه يعنى
وتجيبى كوباية كبيرة وتاخدى بيها وترشى على سقف وراضية وجدارن تبللى كله
وتكونى فاصلة الكهربا من المكان يافالحة بلاش تنتحرى على ايديا
وتكونى قافلة شبابيك المكان
وتطلعى بسررررررررعه وتقفلى المكان لمدة يومين ولا تلاتة
فيروس او حشرات تموت
##
وبالنسبة بقى للى ربت سابق
والمكان عندهم مش كويس وفى اصابة بامراض سابقة
قتلت فراخهم او فاش او حشرات بتعمل هرش او بتتجمع بريش فراخ
يجيبو من الصيدلية البيطرية

مضاد حشرات بايزونول تركيز 60 % ال 100 سم تمنهم 10 جنية وفى صيدلية اخرى بتبيعة ب 15 جنية ( تجارة بقى
اول حاجة بازول
مركز بنسبة 60 % اتاكدى من التركيز بلاش يديكى 15 % وينصب عليكى
وتحطى 2 سم لكل لتر
وترشى المكان سقف وجدار وارضية تخلية غرقان بالمعقول
وتقفلى باب وشباك طبعا قبل الرش
وتطلعى وتسيبى المكان يومين
وتيجى بعدها بيومين
تجيبى فورمالين تركيز 48 % من عند البيطرى
بيبقى جراكن كبيرة ال 20 لتر ب 75 جنية
فاطلبى منة يديلك كم لتر على قد حاجتك فقط
هو اللتر منة بيستخدم لكل عشرة لترة مية حلو اوى
شوفى هتحتاجى كم جردل ميه يغرقو المكان الى عندك ومساحتك واطلبى اللى تركيزة 48 %
وحطي لكل لتر فورمالين \ 10 لتر مية
نصيحه
عايزة اقولكم انة مش هتقدرى تتنفسى وهتحسى بتقريص بالجنب
والم شديد
نتيجة ريحتة وانة فعلا ضار ع الكلى والكبد
بس دا ياعينى للى يوميا بيطهرو الاماكن دى
وشغالين بالمزارع
لكن كونك اول مرة فانصحك تكونى قافلة الشباك الشبابيك اى مكان تهوية اقفلية
وجهزى لخروجك بسرعه
واعملى كم جردل الرش بتوعك برا جهزيهم
واياكى طفل يقرب منك ولا يحاول يشم المية هيجيلة اختناق فى ساعتها
ومش هيعرف يتنفس
وربنا ينجية بقى انفخى بوشة وطلعية براا بعيداا بمكان هواااااااااااااااااا
بلاش اطفال قولت اهو

لو الاوضة 3 فى 4 متر هتحتاج جردلين او تلاتة ( او حددى بنظرك انتى
يافتوكة ياشاطره
جهزيهم برا فى الهوا
حطى الفورمالين وافتحى المية فوقة
وجهزى شغلك
وادخلى بقى للغرفة
ورشى بكوباية كبيرة تساعدك
وطول مانتى ماشية
رشى الاول ياناصحة جوا
عشان ترجعى بضهرك على برا للهوا
سقف ارضية جدرررررررررررررررررررران غرقى المكان ( بعد ماتكونى نضفتية اوى واتكنس اوى واتشال اى اثار لبراز قديم او عدوى منة
وترشى كلووو
وتخرجى تهربى اقصد
تجرى تصرخى
براحتك
تعطسى تتفى تنفى براحتك بردة ( عذراكى وقتها
( نحن السابقون
بس معلش لقمة العيش بقى واحسن من شغل برا عند الناس وقرفهم
واطلعى واقفلى المكان ل 3 ايام وتكونى فاصلة اى كهربا
ياذكاااااااااءك الخارق طبعا قبل الرش
ومننساش وقت التطهير

الباب ولا القفص اللى هتحلقى بيه عليهم
طهرية اى شيئ هيدخل ع الفراخ يكون مطهر ونضيييييييييف
وبعد مرور 3 ايام تدخلى المكان
هتلاقيه طاهر 100 % افتحية للتهوية كم ساعة عشان ريحة الفورمالين والخنقة تزول
وارجعى اغلقية واستنى ميعاد استلام كتاكيتك
ودى كانت طريقة تطهير المزرعة او اى مكان هتربى فيه

ثالثاااااااااا
الجير المطفى
فايدتة بيتفرش منة ارضية المكان كلها قبل وصول الكتاكيت بيوم واحد
ونرش كمان ارتفاع متر من الجدار نرش الجير عليه
الفراخ عمر يوم لو نقرت فية متخافيش
صحى لهم
وبيخنق اى برص او حشرات
فايدتة للاهميييييه
بيعمل طبقة عازلة بين اى براز باقى غصب عنك
بعد التطهير بالارضية
وبيمنع الطير انة ينكش برجلة فى ارضية مصابة بمرض سابق
او يطول البلاط لو هتربى بشقة
بيعمل عازل يحمى السقف
وكمان يمتص الرطوووووبة

الشكارة شكل شكارة الاسمنت تمامااااااا
سعرها من 10 الى 12 جنية تقريبا
من عند بتاع الاسمنت ومواد البناء
قوليله عايزة شكارة جير مطفى
وهى زى الدقيق الابيض
ناعمه بس حامية اوى خصوصا لو نوع نضيف اصلى
خلى بالك منها بعد ماتستخدميها تقفليها برباط جامد او تحطيها بداخل شكارة وتقفل
طول ماهو مدخلهاش هوا وبرد مفعولها هتبقى معاكى لسنة قداااااام
مش كل مرة تشترى

رابعااااااااا
فرشة الارضيهتكون نشاره بيضا
بتساعد ع الامتصاص جيدا
بعد مانرش الجير ويغطى كل الارضية وارتفاع متر من كل جدار
نجيب النشارة ونفرشها بالتساوى
لو فى فصل الصيف تكون بمعدل من 2_3 سم ارتفاعها
وبالشتاء بتحتاج تزيد فى كثافتها نقول 10 سم ارتفاعها
عشان بيحتاجو يدفو اوى عكس الصيف
والنشارة ظاهرة اهى تحت رجليهم
\


\
تحت وفوق بالصور شدة لمعانها وبيضاها وحجمها
ولا ناعمة زى تراب تعمى عيونهم ولا خشنة ومورقة ورق كبير ميمتصش الرطوبة من تحتهم
حجم معقول زى الصورة كدة
نصيحه مهممممممممه
محدش يفرش تبن نهائى
بيجيب كساح وبالحار بيزحلق الطيور
وبيعمل فرشحه بالرجلين
وبيلم كل انواع الفاش والحشرات الى بتجمع بريش الطير
التبن اكبر غللللللللط
اهون عندى تفرشى قطعة قماشة بارضية الكرتونة
او ورق كرتون ( الشيبسى تحتهم ) وكل لما يتبلل تفرشى غيره
ولا انك تجيبى تبن ولا قش يسقعهم ولايمتصو اى رطوبة
وبيلمو قرف وخلاص

خامساااااااااا
ادوات المزرعة دفايات سواء لمبه بسلك

ومنها هتكون اضاءة وبردة تدفية
للى هتربى بكرتونة يفضل تكون 100 وات اللمبة بالصيف
و300 وات بالشتاء
وتتركب وتدلدل على ارتفاع متر من الفراخ عشان متحرقش جلدهم
وتجيب ليهم اختناق واحتباس حرارى ونهجااااان
وفى ناس بتربى فى الصيف من غير اى لمبة بتقفل الكرتونة جانبين منها
وتترك جانبين للتهوية
وبيبقو زى الفل
وبنظرك تحددى سقعانين ولا مبسوطين
او دفاية غاز زى كدة

طريقة تربية الفراخ البيضاء من اول يوم حتى التسمين /موقع  القائد لتكنولوج...
  • العنوان : طريقة تربية الفراخ البيضاء من اول يوم حتى التسمين /موقع القائد لتكنولوج...
  • الكاتب :
  • الوقت : 3:51:00 ص
  • القسم:

شاهد ايضا

  • Blogger Comments
  • Facebook Comments

0 التعليقات:

إرسال تعليق

Top