🇸🇾🇸🇾نوااااح سوريا🇸🇾🇸🇾
ومات الشوق على حجرى
وتاه الصبح من فجرى
حلمت أعيش فى حريه
لقتنى فى السراب باجرى
🇸🇾🇸🇾🇸🇾
ياثوره كلها أوجاع
رمتنى من ضياع لضياع
ماحدش مد ليادراع
ولاطبطب على خاطرى
🇸🇾🇸🇾🇸🇾
ياريت ماخرجت على أسدى
ولارمتلوش فى يوم جسدى
أناإللى سمحتله بهددى
أناالمغلوبه على أمرى
🇸🇾🇸🇾🇸🇾
ياريت ماطالبت بحقوقى
ياريت مانظرت يوم فوقى
ياريت ماحلمت بشروقى
ولاربيعى ولا زهرى
🇸🇾🇸🇾🇸🇾
قرأت الفتح والفاتحه
ورحت أنده على الفرحه
لقيت الدنيا مش سامحه
لقيت العصر مش عصرى
🇸🇾🇸🇾🇸🇾
قابلنى الغول بدبابته
وداناته وطيارته
فرعون إللى أنا إخترته
حرق قلبى على عمرى
🇸🇾🇸🇾🇸🇾
وجابلى م الطغاه روسى
يدبح فى الديار روسى
رخصت وهان عليه دوسى
طعنى وانقسم ضهرى
🇸🇾🇸🇾🇸🇾
مؤامره كلها تخريب
وخطه ماشيه بالترتيب
إيران وموسكو وتل أبيب
تلاته دمرو قصرى
🇸🇮
🇮🇱
🇮🇷
زمن معدوم فى إحساسه
موطى للخسيس راسه
وأهل الظلم رؤاسو
وفين العدل مش بدرى
🇸🇾🇸🇾🇸🇾
بكيت والدمع صفانى
شكيت والدنيا سمعانى
فى بطنى القتل مجانى
قتيل ومش شايف قبرى
🇸🇾🇸🇾🇸🇾
صلاح الدين فى حطينى
نايم والنار بتكوينى
ومين غيره يواسينى
ومين غيره يجيب نصرى
🇸🇾🇸🇾🇸🇾
وأمى عزمها مشلول
ونومها فى العسل بيطول
وسكته سكتة المقتول
ودفعالهم تمن جمرى
🇸🇾🇸🇾🇸🇾
ياشجره حسنها شواق
خدعنى حسنها الفراق
يابحر للسفن غراق
ياسيف حامى على نحرى
🇸🇾🇸🇾🇸🇾
ماعدش فيه أمل باقى
ماتنتحريش يا أشواقى
أناالعطشان وأنا الساقى
أنا إللى مرروصبرى
🇸🇾🇸🇾🇸🇾🇸🇾🇸🇾🇸🇾🇸🇾🇸🇾🇸🇾
أوبريت من كلمات
الشاعر /رضاعبد الحميد
شكرا لك .. الى اللقاء
*
*
ليست هناك تعليقات: