بخطه زكيه من الرئيس السادات انتصرنا
ورفعنا علمنا فى سيناء ودمرنا اسرائيل وسمعنا الآهات
وردينا كرامتنا من هزيمة ٥٦...و ٦٧ ورجعنا كل ال فات
وماننساش الضربه الجويه إل حطمت كل الحصون المستخبيه
حرب اكتوبر كانت هى شهادة الميلاد الحقيقيه لمصر
وحتفضل فى قلوبنا فى كل زمان وكل عصر
لان هيا ال رجعت كرامة المصرى وجابت النصر
كنت دايما بجلس مع بطل من ابطال اكتوبر ويقعد يحكيلى
كان سواق دبابه فى الحرب الله يرحمه خالى الشربينى
قالى ماكناش نعرف إن فيه حرب كنا فاكرنها مناورة
وكنا بنمشى بالدبابات فى الصحراء كأنها مغامرة
وكنا بنقعد نسأل بعض ياترى حنحارب وكأنها مشاوره
لحد ماشفنا الطيارات المصريه بتحلق فوقنا فى السماء
وصدرت لينا الأوامر إن إحنا نتعامل مع الأعداء
صرخنا بأعلى صوت الله أكبر اليوم ال مستنينه قد جاء
وكل واحد شال روحه على إيده كنوع من الوفاء
ودخلنا على العدو بكل شجاعه حتى سالت منهم الدماء
وجه صاروخ وضرب الدبابه بتاعتى وكل ال عليها مات
وخدونى حطونى فى خندق بيلموا فيه جثث الأموات
وانا حاسس إنى لسه عايش لانى كنت سامعهم بس مش قادر اتكلم
ومرت سريا من الجيش على الخندق وسمعونى وانا بتألم
وشالونى على المستشفى العسكرى وانا ببكى على زملائى
بس الحمد لله إننا انتصرنا وربنا نصرنى على أعدائى
أنا كنت بتمنى إنى أفدى مصر وزمايلى بحياتى
رحمة الله عليك ياخالى الشربينى يابطل ياعظيم
واسكنك الله الفردوس الاعلى من الجنه ياالله يا كريم
ودى كانت قصة بطل من أبطال حرب اكتوبر المجيده
إل رجعتلنا الكرامه وخلتنا نعيش عيشه حميده ..
شكرا لك .. الى اللقاء
ليست هناك تعليقات: