تابعنا على مواقع التواصل

حصريا بالموقع

السبت، 15 ديسمبر 2018

الى روح الشهيد صلاح الحلوانى للشاعر على عيد شاعر الغربه

قصيده الى روح الشهيد صلاح الحلوانى
شهيد قرية ميت تمامه
https://youtu.be/aOCYqROcL-I

أ#نا شهيد ميت تمامه صلاح الحلوانى
ياترى يا بلدى نستينى والا لسه فاكرانى
أنا عارف إن مصر كلها عمرها ماحتنسانى
ده أنا ضحيت بحياتى وفاضل آيه تانى
ضحيت علشان أخلصها من كل خاين وأنانى
ده أنا كنت بدعى أموت شهيد وربنا نولهالى
أنا الشهيد إل ضحى بعمره وحياته ومات
أنا الشهيد إل سايب فى قلوبكم الذكريات
أنا الشهيد إل خلى العدو ينزف الدم والآهات
عمرى فى يوم ماحكون ماضى وعدى وفات
أول مرة أحس إنى مفارق أمى غصب عنى
ده مش فراق ده تضحيه لبلدى منها ومنى
بحبك ياأم صلاح يالى دايما كنتى شايله همى
أنا عاوزك يا أمى دايما تدعيلى وإنتى بتصلى
ومش عاوزك تبكى لا إضحكى وإفرحى وغنى
عاوزك تقعدى وتتفاخرى بإبنك وسط الناس
قوليلهم إبنى إتبناله بيت فى الجنه خلاص
إبنى إل كان قلبه مليان بالحب والإحساس
مات وهو بيحمى بلده بأمانه وبإخلاص
وإنت يا أبو صلاح يا أبويا يا غالى عليا
بحبك ياأبويا يا أغلى من نور عينيا
أنا مُت ياأبويا وأنا حامل السلاح فى إيديا
مُت وأنا بدافع عن بلدى وهيا دى شويه
أنا عايزك تدعيلى وإنت فى العمرة
عاوزك تفرح بدل المرة ميت مرة
فى النهاية إفتكرونى وعلقوا إسمى على شارعنا
وإزرعوا ورود الحب والموده جانب بيتنا
أنا عاوز أحلى حارة فى البلد تبقى حارتنا
تحيا مصر رغم كيد الحاقدين
تحيا مصر رغم كيد الآثمين
عاشت رايتك مرفوعه يابلدى إلى يوم الدين
كلنا بندعيلك ياصلاح تكون من المرحومين
ويسكنك الفردوس الأعلى من الجنه آمين
وشكرا ..كلمات / على عيد ..

الى روح الشهيد صلاح الحلوانى  للشاعر على عيد شاعر الغربه
  • العنوان : الى روح الشهيد صلاح الحلوانى للشاعر على عيد شاعر الغربه
  • الكاتب :
  • الوقت : 2:14:00 م
  • القسم:

شاهد ايضا

  • Blogger Comments
  • Facebook Comments

0 التعليقات:

إرسال تعليق

Top