أنا اللـي كلمـــة وطـــن و قـت المحـن ضلّـي
للشاعرالعقيد محمدهيكل
أنا اللـي كلمـــة وطـــن و قـت المحـن ضلّـي
أنا المسيحـي اللي مـات ف كنيستــه بيصلّـي
ما تنقطـونـــا بقــى ب سـكاتكـــو ارجـوكـــو
انا اللي راضي بأي شيئ ف بلادي يحصلّي
.
أنا المسيحـي اللي سال منه الهــوان و القهـر
بقـى دمــي 100 شـلال مع كل طلـــة شهــر
لكـن و حــق الله ...... بعشــق تراب الوطــن
إيه أغلى م الأوطــان نديهــا روحنـا .. مهـــر
.
أنا المسيحـي اللـي ليـــا كنيســــه ف بلدنــــا
و انا المسيحي اللي حابب عشقـي ل المدنـه
انا اللي إسمـي (موريـس) و أبويا ( عبـدالله )
و انا اللي طالب م اللي غاويين الفتن هُدنــه
.
أنا المسيحي وياريت يفهمني كل اللي سامع
لاعمري منها اشتكيت و لا ليا فيها مطامــع
و لا حد غير الوطن طبطـب على جراحـي
أنا اللـي لمـا بكيـت حزنـت عليـا الجـوامــع
.
أنا المسيحـي اللي عـارف معنـى كلمـة ديـن
أنا اللي أحمد دا جاري وشايلني جـوه العيـن
أنا اللـي بقســــم رغيفــي ع الفطــار ويـَّــاه
أنا المسيحي اللي بسـأل : إنتـو تبقــوا ميـن !؟
.
أنا اللي مهما اتْخــَدَع مامشيـش ورا جهلـي
أصلي يا أهل البدع ... بعشقهـا على مهلـي
دي مصر غصبن عن ابوكو هيـه نورالعيـن
أنا المسيحـي الجــدع ... و المسلمين أهلـي
.
*********************************
شكرا لك .. الى اللقاء
*
*
ليست هناك تعليقات: